دویای کاروانیگ چوار ملیۆن میل.. ناسا بارە گەورەگەی گلەو دەێد
2023-09-25T05:29:10+00:00
شەفەق نیوز/ کەپسوول وەڕیەوبردن فڕۆکەوانی و بۆشایی ئاسمانی ئەمریکا (ناسا)، لە تووکڵ زەوی یەک کرد، و لەبان بیاوان ویلایەت یوتا نیشتەو، و گەورەترین نموونەی خوەڵ بار کردیە، کە لە نیمچە ئەسارەیگ هاوریایە، تا زانایل سوود لەلی بگرن.
کەپسولەگە لە کەشتیە رۆبوتیەگە (ئوسیرس-ریکس) جیاوە بوی، هەنار وەبەرزی 67 هەزار میل لە زەوی دویرەو کەفت، تا لەناو ناوچەی دیاریکریاییگ خوەرئاوای سۆلت لێک سیتی لە ویلایەت یوتا بنیشێدەو.
ئی دانەنراوە کە ناسا لە پەخش ژنی بڵاوی کرد، و وت: کاروانەگە رەسیەسە 3.9 ملیۆن میل، تا ئەو ئەرک هاوبەشە کە ماوەی شەش ساڵ وەپی چگ، لەناوەین ناسا و زانکۆی ئەریزۆنا، بڕەسێدە ئەنجام.
ناسا لەبان ماڵپەڕ ئێکس باس ئەو نموونە وە چاپە گرانەگە کرد، کە یە سێیەم بارە لە نیمچە ئەسارەیگ ئارا زەوی باێد.
ئوسیریس-ریکس ئەو نموونە وەرجە سێ ساڵ لە نیمچە ئەسارەی بینۆ گردەو کرد، کە نیمچە ئەسارەی بویچگە و دەوڵەمەنە وە توخمەیل کاربۆن، لە ساڵ 1999 پەیا کریا، و وە چشتیگ نزیک لە زەوی دریەێدە قەڵەم، چوینکە هەر شەش ساڵ جاریگ وە نزیک زەوی رەد بوود، باوجی نیەێد لە زەوی.
