دوياى سوريا.. واشنتۆن باس "كيشاننه‌وه‌ى گه‌ورا" ئه‌كا
شه‌فه‌ق نيوز/ وه‌رپرسيگ ئه‌مريكى، باس له‌وه كرد دۆناڵد ترامپ سه‌رۆك ئه‌مريكا بڕيار كيشاننه‌وه‌ى شماره‌ێ فريه‌يگ داگه له سه‌ربازه‌يلێ له ئه‌فغانستان، ئه‌ويش دوياى رووژيگ له بڕيار كيشاننه‌وه‌ى سه‌ربازه‌يلى له سوريا.
ئه‌و وه‌رپرسه ك نه‌تواس ناوێ ئاشكرا بدێ، ئه‌را "فرانس پرێس" وت: ئى برياره ك درياگه، كيشاننه‌وه‌ى گرنگ ها شوونى و باس له‌وه‌يش كرد ك دوياى رووژيگ له بڕياره‌گه‌ى تره‌مپ له سوريا، يه‌كسه‌ر ده‌سكريا كيشاننه‌وه‌ى ئه‌و هيزه‌يليه له‌و وڵاته.
جى باسه، زويتريش وه‌زير وه‌رگرى ئه‌مريكا ده‌س له‌كاريشانه‌وه‌ى خوه‌ى پيشكه‌ش كرد، چوينكه ديد و باوه‌ڕێ ئه‌را ئى مه‌سه‌له وه‌ل فكره‌ى دۆناڵد تره‌مپ سه‌رۆك ئه‌مريكا ناگونجيه‌ێد و ده‌س له‌كاركيشانه‌وه‌ى ماتيس موفاجئه‌يگ نه‌وێ ئه‌را چه‌وديره‌يل له واشتۆن، چوينكه زويتر وشدارى دا له‌ى باوه‌ته‌و.
