دوو زەویلەرزەی نوو دەێد لە کەهرمان مەرعش تورکیا
2023-03-25T09:00:46+00:00
شەفەق نیوز/ دوو زەویلەرزەی نوو، ئمڕوو شەممە، ویلایەت کەهرمان مەرعش تورکیا هاوردە لەرزە، لە وەردەوامی تەکانەیل ئەو دوو زەویلەرزەی ویرانکەرە ک تورکیا و سوریا لە شەش شوبات گوزەشتە وەخوەیان دین.
ئاژانس ئەنادۆڵ خەوەری تورکی وت: زەویلەرزەیگ وەتونی ٤.٥ پلە لەبان پەیمانەی ریختەر، شەوەکی ئمڕوو، دادە قەزای ئەکین ئوزۆ لە ویلایەت کەهرمان مەرعش باشوور تورکیا.
زەویلەرزەکە لە ساعەت ٠٧:٣٩ وە وەخت تورکیا بوی، وەگورەی سایت ئافاد تورکی ک وت: سەنتەر زەویلەرزەگە لە قەزای ئەکین ئوزۆ وە قویلی ٧ کێلومەتر بویە.
وەخت فرەیگ زەقی نەچگ تا زەویلەرزەیگتر دادە جود ویلایەتەگە، لە قەزای غوکسون ک لە ساەعەت ٠٩:٣٢ وەوەخت تورکیا وەقویلی ٩.٤٤ کێلومەتر بوی.
