دوو دەوڵەت لە دەیشت ئەفریقا یەکەمین دوە مردن وە ئاوڵەی مەیمون توومار کەن
شەفەق نیوز/ دوو دەوڵەت نوو، یەکەمین مردن وە ئاوڵەی مەیمون توومار کردن، ک نوقڵانەی بڵاوبوین بیماریەگە لەو دوو کشوەرە ئەوروپا و ئەمریکای باشوورە دەێد.
ئیسپانیا رووژ جمعە مردن کەسیگ دویای تویشهاتنی وە ئاوڵەی مەیمون راگەیان، ئەوە بوی ک میدیایل راگەیانن وتن یە یەکەم مردنە وەیجویرە لە یەکێتی ئەوروپا.
وەزارەت تەندروسی ئیسپانیا وتیش: ١٣٠ کەس تا ئیسە وە تویشهاتن ئاوڵەی مەیمون بریانە خەسخانە، ویەک کەسیش مرد. ئاژانس خەوەری ئیسپانیا ومیدیایلیگ تریش وتن: یە یەکەم مردنە وە ئاوڵەی مەیمون لە وڵاتەگە.
وەزارەتەگە هویردەکاری زیاتر ئاشکرا نەکرد، تەنیا وت ک ئیسپانیا ٤٢٩٨ تویشهاتن وە بیماریەگە لەناوی دەرکەفت، ٣٥٠ لەلیان پیاوە وەگەرد پیاو سێکس کردنە، و تەنیا ٦٤ ژن.
وەرجە ئیسپانیا وە چەن ساعەتیگ، بەرازیل ک گەورەترین دەوڵەتە لە ئەمریکای باشوور، توومارکردن یەکەمین مردن وە ئاوڵەی مەیمون راگەیان، ئەوەیش پیاویگ ٤١ ساڵان بوی.
رۆیتەرز وت: وەیەوە ئیسپانیا و بەرازیل بوینە یەکەمین دوو دەوڵەت لە دەیشت ئەفریقا، مردن وەی بیماریە توومار بەکن.
