دراو ئیرانی ئەرا ئاست میژووی داوەزێد دویای فشارەیل تڕەمپ

شەفەق نیوز/ ریاڵ ئیرانی، ئەرا خوارترین ئاستی داوەزیا، وەگەرد راگەیانن دۆناڵد ترەمپ سەرۆک ئەمریکا، وە دووارە چەسپانن سیاسەت بەرزترین فشارەیل لەبان تەهران.

وەگورەی راپۆرت ناوەند ئامار ئەمریکی، ریژەی پەنام ساڵانە لە ساڵ ئیرانی ئیسە رەسیە زیاتر لە 45%، لە وەختیگ ریژەی خیزانەیل خوار کڕ لاتی رەسیە 40%.

ئەو داتایلە کە سایتەیل راگەیانن ئیرانی بڵاویان کردن، نشان دان کە دراو ئیرانی، ئەرا دویەم رووژ وەبانیەک لە کارەیل فەرمی ئەرا ئاستەیل میژووی وەرانوەر دۆلار ئەمریکی داوەزیا.

 نرخ دۆلار ئەمریکی لە بازاڕەیل ئازاد لە ئیران ئەرا نزیک 3 هەزار ریاڵ بەرزەو بوی، کە ئەرا یەکەم جارە لە میژوو لە ئاستەیل 92 هەزار داوەزیا.

تومان ئیرانی داوەزیانیگ میژووی نوویگ کرد ئەرا خوارترین ئاستی کە رەسیە 9 ملیۆن  و265 هەزار تومان وەرانوەر هەر 100 دۆلاریگ، وە کاریگەری بڕیارەیل ترەمپ وە دووارە وەکارهاوردن سیاسەت بەرزترین فشار لەبان ئیران، و وسانن هەناردەیل نەفت ئیرانی.

فەرمان تڕەمپ داوای وسانن هەناردەیل نەفت ئیرانی کەێد، و تەقەلا ئەرا دووارە چەسپانن سزایەیل نەتەوە یەکگرتگەیل لەبان ئیران، لە وەختیگ وتیش؛ ئارەزوو نەیرێد ئەو سزایەیلە بچەسپنێد، و خوازێد بڕەسێدە رێککەفتن وەرد تەهران.