داوەزیان نرخەیل نەفت و برێنت 101.71 دۆلار ئەرا بەرمیلیگ تومار کەێد

شەفەق نیوز- جەهان

نرخەیل نەفت، ئمڕوو دوشەممە، داوەزیا ئەرا نزمترین ئاستەیلی لە فرەتر لە هەفتەیگ، لە ناوڕاس ئومیدەیل وە ئەوەگ گردەوبوینەیل نەتەوە یەکگرتگەیل دەرفەتیگ بیەێد ئەرا تەقەلایەیل دیپلۆماسی لە جەنگ وەرد ئیران.

 گریەبەسەیل ئاییندەیی ئەرا خاو برێنت و خاو خوەرئاوا تەکساس ناوەندی ئەمریکی داگە نزمترین ئاستەیلی لە 10ی ئەیلول/ سێپتەمبەرەو، لە وەختیگ وەرجەتر لە ئمڕوو دوشەممە.

 برێنت 101.71 دۆلار ئەرا بەرمیلیگ تومار کرد وە داوەزین 2.16 دۆلار کە یەکسانە وە 2.08% دۊای ئەوەگ رووژ جمعە وە داوەزین 0.91% بەسیاۊد.

 خاو خوەرئاوای تەکساس ناوەندی ئەمریکی 2.15 دۆلار یا 2.14% داوەزیا ئەرا 98.15 دۆلار ئەرا بەرمیلیگ دۊای داوەزیانی وە ریژەی 1.58% لە دانیشتن وەرین.