داعش وەرپرسایەتی خوەی لە کوشتن گەشتیارەیل ئیسپانی لە ئەفغانستان ئاشکرا کەێد
![داعش وەرپرسایەتی خوەی لە کوشتن گەشتیارەیل ئیسپانی لە ئەفغانستان ئاشکرا کەێد](https://media.shafaq.com/media/arcella/1716189468432.jpg)
بەیاننامەی ئەو ریخریاگ "تیرۆریستییە" لە پۆستیگ لە هەژمار تێلێگرام خوەی هات.
وەگورەی ئاژانس ڕۆیتەرز، وەزارەت دەیشت ئیسپانیا رووژ جمعەی گوزەشتە راگەیان کە لە پەلاماریگ 3 گەشتیار ئیسپانی کوشیانە و یەکیگیش زەخمدار بوی.
قسەکەر وەزارەت ناوخۆی ئەفغانستان عەبدولمەتین قانی ئاشکرا کرد کە دەسەڵاتدارەیل 4 کەس دەسگیر کردنە لە پەیوەندی وەرد ئەو پەلامارە.
بیجگە لەو ٣ گەشتیارە، ٣ هاووڵاتی ئەفغانی گیانیان لەدەسدانە، وەگورەی ئاژانس فرانس پرێس.
پارێزگای کویەیی بامیان يەکیگە لە شوینەیل کەلەپووری جەهانی پەروەردەیی، زانستی و کەلتووری لەلای نەتەوە یەکگرتگەیل (یونسکۆ)، و جیماگەی دوو پەیکەر گەپ بودا هاناوی کە لە ساڵ ٢٠٠١ لە مەوقەی دەسەڵاتی وەرین لەلایەن تاڵیبانەو تەقیادەو.
پەلامارەگەی رووژ جمعە، یەکیگە لە رخبەرترین ئەو پەلامارەیلە کە گەشتیارەیل کردیەسە ئامانج لە دویای ئەوەگ و دەسەڵات تاڵیبان لە ساڵ ٢٠٢١ەو وەبان ئەفغانستان زاڵ بوی.
لە ساڵ 2022 داعش وەرپرسیارێتی خوەی لە پەلاماریگ ئاشکرا کرد کە لەناوی هاووڵاتیەیل چینی لە هۆتێلیگ زەخمدار بوین کە بازرگانەیل چینی فرە سەردانی کردیان لە کابول.