داعش و تاڵبان گیریانە یەکا

شەفەق نیوز/ دو گرووپ تروریستی داعش و تاڵبان دە شار جەڵاڵ‌ئاوا دە ئەڤغانستان تەقیانەسە یەکا ئوو شەل و پەل یەکترەکی کردنە.

هەواڵنێری "ئەعماق وابەستە" ک سەر وە لق خوراسان داعش دە ئەڤغانستانە، وتگە: دە ئی شەڕە؛ بان سی و پەنج کەس لە هووز تاڵبان کوشریانە.

ئی گرووپە، وەر ژە یەیش گرتە مل ک هێزە چەکدارەێلەێ ئەوان هەڵمەت وە فڕۆکەخانەگەێ کابوڵ هاوردنە.

وە چەواشەێ یە ک گشتێ خێیاڵ دکەن ک داعش و تاڵبان براگەێ یەکتری و هام‌ویر و راین، داعش فرە فرە تۆند و تێژتر لە تاڵبانەو ئەوان دە فرە چشتەێل فقهی و رێشت و رەوێشت کارێ هانە گژ یەکتری و جوور یەک فگرەو نەدکەن.