داعش خوەی کەێدە خاوەن پەلاماریگ لەبان پولیس میسری
داعش وەرپرسایەتی خوەی لەو رویداوە وە بەیاننامەیگ لە وەخت دیریگ لە شەممە راگەیان، و ئاژانس"أعماق" قسەکەر وەناو ریخریایەگە بڵاوی کرد.
ئەو پەلامارە دویای نیمەڕو پیرەکە جمعە بوی، هەنای کەسەیلیگ چەکدار تەقە لە هیزەیل پولیس کردن لە ئیسماعیلیە، و ١٢ کەس لەلای کەمەو زەخمدار بوین، فرەیان سەرباز بویە.
سێ پولیس لەناو کوشیاگەیل بوینە، و هیمان کەسە چوارەمەگە نەناسیاگە، ئەوەیش وەگورەی ئامار خەسەخانەگە ک وەلایەن ئاژانس ئەسوشیتد پرس بڵاو کریا.
کەناڵ خەوەری حکومەتی "القاهرة" وت: هیزەیل ئەمنی یەکیگ لە پەلاماردەیل کوشتنە.
وڵات میسر بە چەن ساڵیگە لە بەش باکوور نیمچە دوورگەی سینا، جەنگ وەرد داعش کەێد.
ئەندامەیل ریخریاگە تیرۆرەیل چەن پەلاماریگ لە سینا و چەن شوینیگ لە وڵات میسر جیوەجی کردن، ک وەشیوەیگ سەرەکی هیزەیل ئەمنی و کەمینەی مەسیحی کەێدە ئامانج، هەمیش ئەوانەگ توومەتباریان کەن وە هاوکاریکردن سوپا و پولیس.
