چەکداریگ لە واشینتۆن مەدەنیەیلە کوشێد و ماڵەیل ئاگر دەێد
شەفەق نیوز/ پیاویگ چەکدار لە دویاترین زنجیرەی تەقەکردن و سزانن لە واشینتۆن، سێ کەس کوشت و یەکیگ زەخمدار کرد.
کەناڵ KEPR وت؛ داوای پۆلیس ئەرا چەن ئاگر و تەقەکردنیگ لە ساعەت چوار شەوەکی کریا ک لە شار فینلی لە واشینتۆن بوی، و هەنای پۆلیس رەسیە شوین رووداوەگە، کابرایگ زەخمدار وە گولە و دوو ماڵ سزیاگ دین.
پۆلیس مەزەنە کرد ک ئەو کابرا ک ئاگرەیلەی فینلی کردەو هەر خوەیە ک دەسی هاناو چەن ئاگریگ لە گشت شوینەیل لە کەرت بینتون.
دویای ئەوە ماشین گومانلیکریایەگە لە خوەرائاوای ریچلاند پەیا کریا، و ئاگادار پۆلیس لە تەقەکردن لەناو ماشینەگە کریا و پۆلیس تەقە لە ماشینەگە کرد، و ماشینەگە سزیا، و دەنگ رممەی تەقانن عەتاد لەناوی هات.
پۆلیس وتیش؛ تەرم کابرایگ نەناسریاگ لەناو ماشینە سزیایەگە پەیا کریا، و هەمیش تەرم دوو کەس لەناو ماڵیگ تر پەیا کریا ک گومان کریەێد پەیوەندی وە کابرای گومانلیکریاگ دیرن.
