ئیدارەی سەروەخوەیی مناڵیگ داعشی دەێدە دەس شاندیگ بەلجیکی لە قامشلۆ

شەفەق نیوز/ ئیدارەی سەروەخوەیی لە باکوور و خوەرهەڵات سوریا، ئیوارەی دوێەکە پەنجشەممە، مناڵیگ نۆ ساڵان لە خیزانەیل ریخریاگ داعش داگە دەس شاندیگ بەلجیکی رەسیە شار قامشلۆ.

فەرمانگەی پەیوەندیە دەیشتیەگان لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: کووین ستیڤینەر قونسڵ بەلجیکا لە عەمان و جۆهان کاسیر هاو وەڕێۆبەر ئەرا هاوکاری لە قوتسڵیەگە سەرپەرشتی شاندە بەلجیکیەگە کردن.

و هەردوگلاگە باس لە ژمارەیگ لە باوەتەگان کردن ک پەیوەندی وە ناوچەکە دیرن، زاقتریان گرنگی بەشداربوین ئیدارەی سەروەخوەیی لە کارە سیاسیەگان و چارەسەرکەردن قەیران سوریا وەگورەی بڕیارە ناودەوڵەتیەگان، و دەور بەلجیکا لە هاوکاری لە چارەسەرکردنیان، و پشتگری ئیدارەی سەروەخوەیی.