خوەیکوشتن خانمە وتەبیژیگ ئەمریکی وەرجە چەن هەفتەیگ لە سویرەگەی
شەفەق نیوز/ خانمە وتەبیژیگ ئەمریکی، وەرجە چەن هەفتەیگ لە ئاهەنگ سویرەگەی، خوەی کوشت.
نینا باچولکی لەتەمەن ٢٧ ساڵان، ئمڕوو شەممە، لەناو شوقەگەی وەمردگی پەیا کریا، ک داوای پۆلیس لە ویلایەت ویسکۆنسن کریا، لە ساعەت ١١ی شەوەکی پۆلیس رەسێد، دویای ئەوە ک یەکیگ لە برادەرەیل تەلەفۆن پۆلیس کردیە و وتیە ئەو خانمە هەڕەشە داگە خوەی بکوشێد.
مردن ئی خانمە وەجە ٦ هەفتە لە سویرەگەی وەگەرد دەزویرانەگەی تیەێد، ک کایل هاس دەزویرانی وە ١١ ساڵ لەخوەی گەورەترە و واز لە ژنەگەی هاوردیە و دوو مناڵ دیرێد.
هاس لە پۆستیگ لەبان فەیسبووک نویسان: زانم ک دی هویچ ژانیگید نەما، و منیش لەوە دڵم ئارامە، دووسد توام لەوە فرەتر ک بتوەنێد بفامێدەی، گرانترین کەسم وگشت جەهانم بوی، فرە شەرمەزارم ک نەتوەنستم رزگارد بکەم.
نینا خاوەن ئەزموون فرە خاسیگە لە راگەیانن، وەگەرد ئەوەیش خاوەن رەفتار خاسیگ بوی، ک ئەسارەی تیمیگ بوی.
ئالی بیتێرز خانم برادەر نینا وت: نینا خەموکی تیژیگ داشت، هەرچەن لە کاری و وەگەرد دەزویرانەگەی خوەشهاڵ بویە.
بیتێرز ئەرا رووژنامەی دەیلی مەیل وت: ململانەی ناو ناخ نینا وەرد تەندروسی مەغزی لە مانگەیل دویایین وەشیوەی وەرچەویگ بەد بوی، باوجی قەت مەزەنە نەکردم خوەی بکوشێد.
