خوەشک کیم جۆنگ ئون قسەی بەد وە وەزیر وەرگری کۆریای باشوور کەێد
شەفەق نیوز/ خوەشک کیم جۆنگ ئون سەرۆک کۆریای باکوور، قسەیل بەدیگ وە وەزیر وەرگری کۆریای باکوور کرد، دۊای وتارەیلی لەبان کامپ سەربازی کۆریای باشوور.
خوەشکەگەی کیم جۆنگ ئون وت: وەزیر وەرگری کۆریای باشوور پیاویگە لە سڵپ کەێد، تا باس لە ئامادەبۊن وڵاتەگەی ئەرا پەلامار کۆریای باشوور بکەێد.
لە سەردان وەزیر وەرگری کۆریای باشوور سۆه ووک ئەرا فەرماندەی مووشەکەیل ستراتیژی لە وڵاتەگە وت: کۆریای باشوور توانا و ئامادە دیرێد گورزەیل هۊردیگ لەبان کۆریای باکوور بوەشنێد، ئەگەر بزانێد ک بیونگ یانگ نیاز وەشانن مووشەک لەبان هاوسای باشووریی بیاشتاد.
سایت "بولیتیکۆ" وت: خوەشک سەرکردەی کۆریای باکوور، ک ناوی کیم یو چۆنگە، وتار تونیگ ئەرا سوە کل کرد و هەڕەشەی سۆل دا.
کێم یو جۆنگ لە بەیاننامیگ میدیایل راگەیانن حکومەتی بڵاوی کردن وت: ئەو پیاو بی واتە ک مینێدە سڵپ ویرەی وەشانن مووشەک وەرجەوەخت دیرێد لەبان دەوڵەتیگ چەک ئەتۆمی دیرێد.. کۆریای باشوور شایەت بکەفێدە وەر هەڕەشەی رخبەریگ لەوەر ئەو وتارەیل ملهڕە ک وەزیر وەرگریی وتیەسەی.
یو جۆنگ وەردەوام بۊ لە هەڕەشە ک وت: بایەتە کۆریای باشوور خوەی بگرێد ئەگەر خوازێد لە کارەسات لا بەێد.
کێم یو چۆنگ خانمە وەرپرس ناودیاریگە لە حزب کراکارەیل دەسەڵاتدار لە کۆریای باکوور، و خوەی وەرپرسە لە پەیوەندیەیل وەگەرد سۆل و واشینتۆن.
