خاوەن پەلامارەگەی برۆکلین تاوانکار رخبەریگە
شەفەق نیوز/ پۆلیس نیویۆرک ئەمریکا، هۊردەکاری "لیست تاوانکاری فراوان" فرانک جیمس ئاشکرا کرد، ک گومان لەلی کریاگە ئەو تەقەکردنە لەناو میترۆی برۆکلین، رووژ سێشەممە، جیوەجی کردگە.
پۆلیس نیویۆرک، نیمەڕو رووژ چوارشەممە، توەنست دەسگیر فرانک بکەێد، وەرجەیە بخەێدەی لێکوڵینەوە، ئەرا رەسین وە بندروس ئەو تەقەکردنە.
رووژنامەی دەیلی میل بەریتانی وت: پۆلیس ئەمریکا فرانک (٦٢ ساڵان) لە "فێرست ئەڤینیۆ" دەسگیر کرد، هەنای یەکیگ لە ریوارەیل ناسیەی و دادەی دەس.
ئی دەسگیرکردنە دۊای نزیکەی ٢٤ ساعەت لە تەقەکردنی لەڕۊ ١٠ کەس لەباو قەتاریگ قەرەباڵغ لە برۆکلین هات.
دەیلی میل وتیش: توومەت جیوەجی پەلامار تیرۆری لەناو گواستنەوەی بڕە کەسی ئەرای توومار کریا. جیمس ئیسیگ وەرپرس بەش لێکۆڵینەوە لە پۆلیس نیویۆرک وت: ئەو کەسە ک دەسگیر کریاگە، یە نزیکەی ٣٠ ساڵە وە لیستیگ تاوانی لەلای پۆلیس ناسریاگە .
وتیش: میژوو تاوانیی دوو تاوان سیکسی و ٤ تاوان دزیکردن لە نیویۆرک لە ساڵەیل ١٩٩٢ و ١٩٩٨ هاناوی. لە نیۆجیرسی توومەت دەسدرۊژیکردن لەبان ماڵداریی تایبەت وە مەردم، و دزیکردن ساڵ ١٩٩٢، و بەد رەوشتی لە ساڵ ٢٠٠٧.
