خامەنەئی لە وڵام هەڕەشەیل ترەمپ: پەڵپەیل ئیوە دەسپیچگە ئەرا جەنگ
شەفەق نيوز- تەهران
عەلی خامەنەئی ریبەر ئیرانی، ئمڕوو سێشەممە، پەڵپەیل خوەرئاوا لە بەرنامەی ئەتۆمی تەهران وە دەسپیچگ زانست تا دووارە جەنگ بوود.
ئەوەیش دویای یەی رووژ لە هوشداریداین دۆناڵد ترەمپ سەرۆک ئەمریکا تیەێد کە وت: ئەگەر تەهران تەقەلا دا جاریگ ترەک ئەو دامەزراوەیل ئەتۆمیە بخەێدە کار کە ئەمریکا لە مانگ گوزەشتە پەلاماریان دا، وەنە فەرمان دەێد وە جیوەجیکردن پەلامارەیل ئەمریکی نوویگ وەبان دامەزراوەیل ئەتۆمی ئیران.
لەی باوەتە، وەگورەی ئاژانس ئیرانی، خامەنەئی وت: بەرنامەی ئەتۆمی و ماف مرۆڤ گشتی دەسپیچگە، ئەوان خوازن ئاین و کار ئیوە بکەنە ئامانج.
ئەو وتارە لە پرسەی قوربانیەیل جەنگ دویایین وەرد ئیسرائیلەو هات، کە لەناوی دووپات کرد کە مدوو سەرەکی دژایەتیکردن ئیران ئەوەسە کە خاوەن نیازە بەدەیل رازی نیین لە باوەڕ گەل ئیرانی و زانست و یەکێتیی.
ئیران ئویشێد تەقەلا تیەێد تا چەک ئەتۆمی دروس بکەێد، و رکدارە کە واز لە نەختکردن ئۆرانیۆم نیارێد، هەرچەن سێ دامەزراو ئەتۆمی پەلامار دریا.
