خامەنەئی: تووڵەسەنین کوشتن هەنیە ئەرک بان شان ئیرانە

وتیش: رژیم سەهیۆنیەت تاوانکار و تیرۆرست میوان ئازیزان لەناو ماڵمان کوشت، و یەیش خەفەتبارمان کرد، وەلێ هەمیش سزای سەختیگ ئەرا خوەی سازی.

خامەنەئی وتیش: لە ئەرک خوەمان دانایمن کە تووڵەی خوینی لەی رویداو تاڵ و سەختە لەناو خاک کۆمار ئیسلامی بسینیمنەو.

لەلای خوەییش، مەسعوود پزیشکیان سەرۆک ئیران وت: ئیران وەرگری لە بیوەیی و شەرەف زەویەیلی کەێد، و ئەوەسا هیلێد داگیرکەرە تیرۆستەیل لەبان کارەیل خوێڕیانەی خوەیان پەشیمانەو بوون.

سەرۆک نوو ئیران کە ئیسماعیل هەنیە وەرجە کوشیانی لە رسوومەیل داناینی ئامادە بوی، وتیش: دویەکە دەس شەهید سەرکەفتگ بەرزەو کردم، و ئمڕوو بایەسە شانم بەرزەو بکەن تا وەخاک بنەمەی.