حوسییەیل وەرپرسیارێتی پەلامار تەلئەبیب هەڵگرن

 گروپەگە لە بەیاننامەیگ راگەیان: “هیز ئاسمانی بی سەرنشینی هیزە چەکدارەیل یەمەن ئۆپەراسیۆنیگ سەربازی چۆنایەتی ئەنجامدا، لە وەئامانجگرتن یەکیگ لە ئامانجە گرنگەیل ناوچەی یافا داگیرکریاگ، ئەوەگ ئیسرائیلییەیل وەپی ئویشن تەلئەبیب، وە فڕۆکەیگ بێفڕۆکەوان نوو وە ناو "یافا" کە توانای رەدبوین لە سیستەم ریگری و رادارەیل دوژمن دیرێد ئاشکرای بکەن،  و ئۆپەراسیۆنەگە وە سەرکەفتن ئامانجەیلی وەدەس هاورد".

گرووپ حووسییەیل راگەیان: ناوچەی یافای داگیرکریاگ ناوچەیگ نائارامە و ئامانجیگ سەرەکیە لە مەودای چەکەیل.

حوسییەیل دووپات کرد، "ئەوان بانک ئامانجەیل لە فەلەستین داگیرکریاگ دیرن، لەوانەیش ئامانج سەربازی و ئەمنی هەستیار و لە وەڵامدان کۆمەڵکوشییەیل دوژمن و تاوانکاریی رووژانەی لەبان کەرت غەززە، وەردەوام بویمن لە پەلاماردان ئەو ئامانجەیلە".

 شەفەق ئمڕوو جمعە، لە تەلئەبیب لە ئیسرائیل تەقینەوەیگ روویدا و  کەسیگ لەناوی کوشیا و ١٠ کەس ترەک زەخمدار بوین.