حزبولڵا کەتیبەیگ ئیسرائیل وە مووشەک کاتیوشا کەێدە ئامانج
2024-09-21T13:53:32+00:00
شەفەق نیوز/ حزبولڵای لوبنان، ئمڕوو شەممە، راگەیان کە بنکەی کەتیبەی لیوای گۆلانی سەروە سوپای ئیسرائیل وە بڕیگ مووشەک کاتیوشا کردە ئامانج.
حزبەگە لە بەیاننامەیگ وت: ئەرا پشتگیریکردن گەل فەلەستین خوەیڕاگر لە کەرت غەززە، و لە بنەمای وەرخودان ئازا و شەریف، و لە وەڵامدان وەبان دەسدرویژی دوژمن وەبان ئاوایەیل باشوور و ماڵەیل مەدەنی، موجاهدەیلمان توەنستن بنکەی کەتیبەی 631 سەروە لیوای گۆلانی لە ناوچەی رامۆت نەفتالی وە بڕیگ مووشەک کاتیوشا بکەنە ئامانج.
میدیایل ئیسرائیل باس بڕیگ فرەیگ لە مووشەک لەلایەن حزبولڵا وەبان ئیسرائیل کردن.
ئێزگەی سوپای ئیسرائیل وت: 25 مووشەک لە لوبنانەو ئاشکرا کریا، کە کەفتنە چەن شوینیگ، و خەوەر لە کەفتن زەخمداری نەڕەسی.
لە ئەنجام کەفتن ئەو مووشەکەیلە ئاگر هیز گرد.
