جیگیر بوین نرخ تەڵا وە چەوەڕی داتای هەڵاوسان ئەمریکا

‏شەفەق نیوز ـ بەغدا / هەولێر

‏نرخەیل تەڵا، ئمڕوو چوارشەممە، جیگیر بوی دویای ئەوەگ بەرزترین ئاست خوەی لە زیاتر لە سێ مانگ توومارکرد، وەگەرد چەوەڕێی وەبەرهێنەرەیل ئەرا دەرچگن داتای هەڵئاوسان ئەمریکا ئەرا مەزەنەیل  ئاراستەی نرخەیل سود لە ئەنجوومەن فیدڕاڵی یەدەک ئەمریکا.

تەڵای دەستوەجی لە ئاست 4652.39 دۆلار ئەرا هەر ئۆنسیگ جیگیر بوی، لەوەختیگ گرێبەستەیل ئایندە تەڵای ئەمریکا 0.3% بەرزەوبوی و رەسیە 4709.20 دۆلار.

بازاڕەیل چەوەڕێی دەرچگن نیشاندەر نرخەیل خەرجی وەکارهاوەر کەس (PCE) ئەرا مانگ تەموز کەن، ئەو نیشاندەرەس کە فیدڕاڵی یەدەگ ئەمریکا زیاتر پشت وە پێ بەسێد ئەرا پەیمانەکردن گرانبوین، لەوەختیگ وەبەرهێنەرەیل چەوەڕێی وتەی سەرۆک فیدڕاڵی یەدەک کێڤین وارش کەن لە رووژ جومعە.

لە کانیەیل ترەک، نوقرە 0.7% بەرزەوبوی و رەسیە 69.09 دۆلار ئەرا هەر ئۆنسیگ، پلاتین 0.6% بەرزەوبوی و رەسیە 1869.22 دۆلار، و پالادیۆم 1.4% بەرزەوبوی و رەسیە 1345.30 دۆلار.