تۆێژینەوەیگ: ٢٠،٥ مەلیۆن ساڵ لەتەمەن جهان لە وەر کۆڕۆنا چگ
شەفەق نیوز/ تۆێژینەوەیگ زانستی دەرخست ک زیاتر لە ٢٠،٥ مەلیۆن ساڵ لە تەمەنی لەوەر ڤایرۆس کۆڕۆنا لەدەس برد.
ئەو تۆێژینەوە ک ناوەند تۆێژینەوەگان لە تەندروسی و ئابووری لە زانکۆی بۆمبیو فابرا لە پەڕشەلۆنە ئەنجامی دا وت: ک ڤایڕۆس کۆڕۆنا بویە هووکار زەرەدداینیگ فرە گەوراتر، ک ژمارەی ساڵە گومابویەگان لەوەر ئی پەتا هالە ناونی ٢ - ٩ قات لەو ساڵەیلە ک لەوەر فلاوەنزای وەرزی.
ساڵە گومابویەگان خوەی جیوازیەگەس لەناونی تەمەن تاک لە وەخت مردنی و ناوڕاس ئەو تەمەنە ک مەزەنە کریاگە ک ژیانی بکەێد، وەگورەی رۆژنامەی گاردیان.
تۆێژینەوەگە ئاماژە کەێد ک پیاوەگان لەی پەتا فرە لە ژنەگان کاریگەر ترن، ک ساڵە گومابویەگان لە تەمەنیان فرەترە.
هەرچەن پیرەگان لە دەوڵەتە دەوڵەمەنەگان فرەتر کەفنە وەر مردن، بەڵکم گەوراترین ژمارە لە ساڵە گومابویەگان لە تەمەنەگان، لەناو ئەو کەسەیلە بوی ک تەمەنیان هالە ناونی ٥٥ و ٧٥ ساڵان وەرێژەی ٤٤٪ ، و رەسیە ٣٠،٢٪ لەلای ئەو کەسەیلە ک لە ٧٥ ساڵان گەوراترن.
تۆێژینەوەکارەگان ئاماژە کردن ک خوەیان ئەوە دانان ک پەتاگە بویە هووکار مردن زیاتر لە ١٢٧٩٨٦٦ مردن لە ٨١ دەوڵەت، و هەمیش بەیاننامەیل ناوڕاسین تەمەنە مەزەنەکریایەگە.
و مەزەنە کەن ک شایەت وەگشتی ٢٠٥٠٧٥١٨ ساڵ لە تەمەن لەوەر کۆڤید-١٩ لە ٨١ دەوڵەت گومابوی، لە ناوڕاس ١٦ ساڵ ئەرا هەر تاک مردنیگ.
