تەندروسی غەزە راگەیان شمارەی قوربانیەیل بەرزەوبویە ئەرا زیاتر لە 3200 کوشیان و 11 هەزار زەخمدار
2023-10-18T06:08:25+00:00
شەفەق نیوز/ وەزارەت تەندروسی غەزە راگەیان، ئامار قوربانیەیل پەلامارەیل ئیسرائیلی بەرزەوبویە ئەرا زیاتر لە 3000 کوشیان، و 11 هەزار زەخمداری کە فرەیگیان منال و ژنن.
هەمیش شەو سێشەممە، فرۆکەیل سوپای ئیسرائیلی پەلامار خەسخانەی "المعمداني" لە ناوڕاس شار غەزە دان، لەئەجام وەلایەن کەم 500 کەس کوشیا و دەیان کەسیش بوینە قوربانی.
ئیسرائیل وەرپرسیارەتی پەلامارەگە رەدکەێد، دیاریکرد پەلامارەگە لەئەنجام ئۆپراسیۆنیگ مووشەک تەقانن سەرنەکەفتیگ بویە وەلایەن " لایەنەیل ئیسلامی"، کە دروسی لێدوانەیل ئیسرائیلی رەدکریەێد و توومەتباری کەن وە " دروو دروسکردن".
وەڕیوبەر خەسخانەی شیفا لە غەزە راگەیان، بارودۆخەگە لە گشت خەسخانەیل غەزە وە تەواوی لە کۆنترۆل دەرچیە، لەدویای ئەوەگ سوپای ئیسرائیلی پەلامار خەسخانەی معمدانی دا لەناوراس غەزە و 500 کەس کوشیان.
