تەندروستی جەهانی هووشداری لە جەنگەگەی ئۆکرانیا دەێد

شەفەق نیوز/ ریخریاگ تەندروسی جەهانی هووشداری  لە لێکەفتەی تەندروسی مەترسیداریگ لە جەنگ سەربازیەگەی ئۆکرانیا دا، دیاری کرد ک رووڵ دۊنێد لە بڵاوبۊن فراوانیگ ڤایرۆس کۆرۆنا. 

تیدروس ئەدهانۆم غیبریسوس، وەڕێەوبەر گشتی ریخریاگ تەندروسی  جەهانی وە رووژنامەنۊسەیل خەوەردا، " جەنگ لە ئۆکرانیا بوودە مدووی زیاتر بڵاوبۊن کۆڤید19 "،

دیاری کرد  ک " ئۆکرانیا بەرزەوبۊن گەپیگ لە شمارەی تۊشهاتنەیل ڤایرۆس کۆرۆنا دیەسە خوەی لە ژاوەی پەلامارەیل رووسیا". 

غيبريسوس ئاشکەرایش کرد، داوەزین ئامارەیل وشکین مانای ئەوە هەڵگرێد تۊشهاتن گەپیگ ئاشکەرا نەکریاییگ هەس لە ڤایرۆسەگە، وتیش " داوەزین رێژەی ڤاکسین داین روول خەراویگ دۊنێد، و رێژەی تۊشهاتنەیل ئەرا شمارەی گەورەیگ  بەرزەو کەێد لە کەسیەیل وە نیشانەیل رخبەریگ". 

وتیش، جموجۊلەیل وە کۆمەڵ هاولاتەیل ک ئەرا وەدەش جەنگە وان ری خوەش کەن ئەرا کلکردن کۆرۆنا، و بار سەنگینگ خستنە بان  تەندروسی لە وڵاتەیل هاوسای".