تەقینەوەی گەورەیگ لەناو مۆڵیگ لە تەهران
2024-05-31T06:08:52+00:00
شەفەق نیوز/ تەقینەوەی گەورەیگ لەناو مۆڵیگ لە شار نەسیم شەهر خوەرئاوای تەهران پایتەخت ئیران هەڵسیا، کە بویە هوکار زەخمداری چوار کەس.
میدیایل راگەیانن فەرمی ئیران وتن: تەقینەوەگە شەو پەنجشەممە لەناو مۆڵیگ لە نەسیم شەهر بویە، و چوار کەس ئەرا خەسەخانە بریا.
وەگورەی راپۆرتیگ سەرەتایی وەلایەن وەرگری شارستانی نەسیم شەهر، تەقینەوەگە لەناو یەکەی نیشتەجییوین لە قات بانین بویە، و ئەوەنە تون بویە دەر و پەنجەرەیل مۆڵەگە وەرەو ناو جادە وەشانیە.
لەلای خوەییش، ئاژانس فەرمی "مهر" وت: نزەکردن گاز و بەڵاچەیگ ناکاوی بویە مدوو ئی تەقینەوە، و پسپۆڕەیل لێکۆڵینەوە ئەرا رەسین وە بندروس رویداوەگە واز کردن.
