تەقینەوەیگ لەناو کۆمەڵگەیگ نیشتەجیبوین لە شار قوم لە ئیران
شەفەق نیوز – قوم
میدیایەیل ئیران، ئمڕوو دووشەممە، راگەیانن کە تەقینەوەیگ لە ناو کۆمەڵگەی نیشتەجیبوین پاردیسیان لە شار قوم رویداوەگە و وە وتەی وەرپرس ناوەندی فریاکەفتن ئەو شارە، هەفت کەس زەخمدار بوبن.
تووڕ خەوەری خوەنەوارەیل ئیران وە پشتبەسبن وە وەرپرسیگ خزمەتگوزاریی فریاکەفتن وت: تەقینەوەگە لە باڵەخانەیگ نیشتەجببوین لە ناوڕاس شارەگە رویدا، تا ئیسە مدووی ئاشکرا نەکریاس.
ئەو وینەیلە لە شوین رویداوەگە بڵاو بوین ویرانکارییگ فراوان لە قات یەکەم بیناگە دەرخستن، لە وەختیگ تا ئیسە دەسەڵاتدارەیل بەیاننامەیگ بڵاونەکردنە کە سروشت تەقینەوەگە ئاشکرا بکەێد.
تەهران و چەن شاریگ ترەک ئیران لە چەن رووژ گوزەشتە زنجیرەیگ تەقینەوە لە یەکەیل نیشتەجییوین وەخوەی دی، وەرپرسەیل مدوو تەقینەوەیل ئەرا دزەکردن غاز یا تەقینەوە گلەو دان، یەیش کاردانەوەی بفراوانیگ لەلای هاوڵاتیەیل لە سۆشیال میدیا دروس کرد.
