تەقەلای دزین پەیکەر رەمسیس لە وڵات میسر
2023-01-12T07:44:26+00:00
شەفەق نیوز/ لە شار ئەسوان باشوور میسڕ، سێ کەس وە توومەت تەقەلادان ئەرا دزین پەیکەر فیرعەون رەمسیس دویەم دەسگیرکریان.
سەرۆکایەتی داوای گشتی میسر لە بەیاننامەیگ ئاشکەرایکرد، لە ناوچە شوینەوارە میژوویەگان شار ئەسوان لە کنەو و وشکنین نایاساییگ پەیکەر رەمسیس دوییەم پەیاکریاس ک سێ مەتر بەرزە کیشەگەی رەسێدە 10 تەن.
لە بەیاننامەگە دیاریکرد؛ سێ کەس وە توومەت تەقەلای دزیکردن پەیکەرەگە دەسگیرکریانە وە لایەن پۆلیس، و دەسنریایە وەبان چشتەیل وەشکین و گواستنەوەی قورسایی.
قاچاخکردن وە شوینەوارە میژوویەیل لە میسر فرە بەربڵاوە، وەپای زانیاریەیل فەرمی لە 10 ساڵ گوزەشتە 29 هەزار و 300 پارچە ئەرا میسر گلەودریایە ک لە گوزەشتە وە شیوەی قاچاخ بریایە ئەرا دەیشت میسر.
