تەقیان بومبیگ لەناو ماشین ئەفسەریگ رووسی لە مۆسکۆ
![تەقیان بومبیگ لەناو ماشین ئەفسەریگ رووسی لە مۆسکۆ](https://media.shafaq.com/media/arcella/1721812146686.jpg)
2024-07-24T09:09:29+00:00
شەفەق نیوز/ رووژنامەی كوميرسانت رووسی لە ژوان سەرچەوەیلیگ وت: ئەفسەریگ هەواڵگری سەربازی رووسیا، شەوەکی ئمڕوو چوارشەممە، لە تەقیان ماشینەگەی لە مۆسکۆی پایتەخت زەخمدار بوی.
لە پارچە ڤیدیۆییگ نشان دەرد کابرایگ بومبیگ نەێدە ژیر ماشین ئەفسەرەگە، و لە پارچەیگ تێتم نشان دەێد هەناێ ئەفسەرەگە وەگەرد ژنەگەی سوار ماشینەگە بوون، تەقێدەو.
سەرچەوەیگ ئەمنی رووس وت: بومبیگ کیشی ٥٠٠ گرام بویە لەناو ماشین ئەفسەریگ لە سوپای رووسیا وەناو ئەندرێه تورگاشۆف تەقیەور و زەخمەیلی سەختە، و ژنەگەی وە پەراشە دەمچەوی زەخمدار بوی.
سەرچەوەیل ئەرا سایت رووسیا تودەی باس کردن کە بومبەگە لە ژیر کوشن رانندەی ماشینیگ فۆرویل مارکەی لاندگرۆز دانریاس، کە خاوەنی ئەفسەرە لە سوپای رووسیا.