تۊشهاتن کەشتییگ نەفتهەڵگر و دوو کەشتی وە پەلامارەیل وە گولەیل نادیار لە هورمز
شەفەق نیوز- وەدۊاچگن
دەسەی پرۆسەیل بازرگانی دەریایی بریتانی (UKMTO)، رووژ چوارشەممە، خەوەردا وە وەرگرۆن ئاگادارییگ لەباوەت تۊشهاتن کەشتییگ نەفتهەڵگر و دوو کەشتی وە پەلامارەیل وە گولەیل نادیاریگ لە گەروو هورمز.
دەسە بریتانییەگە وتیش کە دەسەڵاتەیل لێکۆڵینەوە کەن لە هۊردەکارییەیل رۊداوەگە، و داوا لە کەشتییە ریوارەیل لە ناوچەگە کرد وریایی بکەن و خەوەر لە هەر چالاکییگ گومانلیکریاگ بیەن، لە وەختیگ هیچ زانیارییگ نەڕەسیە لەباوەت زەخمداربۊن کەسانیگ یا قەوارەی زەرەدەیل.
کەشتییەیل و کەشتییە نەفتهەڵگرەیل تۊش رۊداوەیل هاوشیوە تیەن لە گەروو هورمز، لە ناوڕاس شیویان جویلەی دەریاوانی لە گەرووەگە، کە نۊنەرایەتی رێڕەویگ گرنگ ئەرا دابینکردن وزەی جەهانی کەێد، لەوەخت هەڵایسان جەنگ لە ناوەین وڵاتە یەکگرتگەیل و ئیران وەرجە نزیکەی 7 مانگ.
ئیران گەروو هورمز وە شیوەیگ نیمچە تەواو بەسێد، وە وەکارهاوردن مینەیل یا ئامانجگردن ئەو کەشتییەیلە کە رەد بوون بی هەماهەنگی وەردی، لە وەختیگ وڵاتە یەکگرتگەیل گەمارۆیگ چەسپنێدە بان بەندەرەیل ئیرانی.
