تەڵا جێگیربوود لە وەخت چەوەڕیکردن زانیارییەیل هەڵاوسان ئەمریکی

شەفەق نیوز - بەغداد / هەولێر

نرخەیل تەڵا لە مامەڵەیل ئاسیایی زووی، ئمڕوو چوارشەممە، جێگیر بوین، وەگەرد چەوڕێکردن وەبەرهێنەرەیل ئەرا زانیارییەیل پەیمانە نرخەیل وەکارهاوەر لە ویلایەتە یەکگرتگەیل, کە توەنێد کاریگەری لەبان بڕیارەیل ئەنجومەن یەدەگ فیدراڵی بیاشتوود لەبان  نرخەیل سوود.

تەڵا لە مامەڵەیل راستەوخۆ لە 4161.05 دۆلار ئەرا ئۆنسەیگ جێگیر بوی، لە وەختیگ گرێبەستەیل ئەمریکی ئایندەی ئەرا تەڵا بڕ 0.2% بەرزەو بوی رەسیە 4185 دۆلار.

بڕیارە زانیارییەیل هەڵاوسان ئەمریکی لە  ئمڕوو دەربچێد، لە سای چەوڕێکردن بازاڕەیل ئەرا رێڕەو سیاسەت پۆڵی، دویای ئەوەگ سەرۆک یەدەگ فیدراڵی لە نیویۆرک جۆن ویلیامز دیاریکرد ئەرا ئەگەر هەوەجەی بەرزکردن نرخەیل سوود دووارە وەرجە کۆتایی ساڵ ئەرا کۆنترۆڵکردن هەڵاوسان.

وە گشتی نرخەیل تەڵا تویش فشار بوون لە وەخت بەرزەوبوین سوود، چوینکە هویچ داهاتیگ ئەرا خاوەنەیل سەرمایە دابین نەکەێد.

لە بازاڕەیل کانزا گرانبەهایەیل تر، نوقرە 0.5% داوەزی رەسیە   59.12 دۆلار ئەرا ئۆنسەیگ، و پلاتین بڕ 0.4% کەمەوبوی ەسیە 1656.08 دۆلار, لە وەختیگ پالادیۆم بڕ 0.1% داوەزیا رەسیە 1124.39 دۆلار.