تەڵا بەرزترین ئاست لە دوو هەفتە توومار کەێد وەرد بەرزەوبوین نوقرە و پلاتین و بلادیۆم

شەفەق نیوز - وەدویاچگن

نرخەیل تەڵا وە نزیکەی 2%، رووژ پەنجشەممە، بەرزەوبوی تا بەرزترین ئاست خوەی لە دوو هەفتە توومار بکەێد، وە پشتگیری داوەزیان دۆلار و داوەزیان داهات  ئەمارەل ئەمریکا لەدویای ئەنجامەیل هەڵوژاردنەیل نیمەی خول ئەنجومەن نوێنەرەیل ئەمریکا (کۆنگرەس).

تەڵا لە مامەڵەیل دەستوەجی وە رێژەی 1.9% بەرزەوبوی ئەرا 4134.83 دۆلار ئەرا ئۆنسەیگ، لە وەختیگ پەیماننامەیل ئایندەی ئەمریکی وە بڕ 1.8% بەرزەوبوی ئەرا 4144.20 دۆلار، لەدویای قازانجەیلیگ کە رەسییە 3.4% لە دانیشتن رووژ چوارشەممە، کە گەپترینە لە 19 ئاب گوزەشتە.

ئێ بەرزەوبوینە وەرد داوەزیان دۆلار و داهات سەنەدەیل ئەمارەیل ئەمریکی ئەرا ماوەی 10 ساڵ ئەرا 4.87% هات، لەناو چەوڕێیکردن وەبەرهێنەرەیل ئەرا زانیارییەیل کارەیل ئەمریکی کە بڕیارە  رووژ جومعە دەربچوود، ئەرا مەزەنەیل ئاڕاستەی نرخەیل سوود.

 کانزا گرانەیل ترەک، نوقرە وە رێژەی 1.7% بەرزەوبوی ئەرا 53.12 دۆلار ئەرا ئۆنسەیگ، و پلاتین وە رێژەی 2.1% ئەرا 1527.65 دۆلار، لە وەختیگ بلادیۆم وە رێژەی 2.6% بەرزەوبوی ئەرا 1030.14 دۆلار ئەرا ئۆنسەیگ.