تویڕەیی لە ئەمریکا.. پولیس ژنیگ دووگیانی دەێد لە زەوی
میدیایل راگەیانن ئەمریکی پارچە ڤیدیۆیگ بڵاو کردن لەناوی ئەندامەیلیگ لە پولیس لە ویلایەت فلۆریدا هانە دەور ماشینیگ ژنیگ دووگیانی هاناوی.
پولیس دویای رەسین ئاگاداری لە دەمەقاڵیگ ناوەین کەسەیل ناو ماشینەگە رەسیە شوینەگە، و دویای دەمەقاڵیگ ناوەین ئەندامەیل پولیس و کەسەیل ناو ماشینەگە ک مناڵیش هاناویان، یەکیگ لە پولیس ژنە دووگیانیەگە لەناو ماشینەگە کیشادە دەیشت، هەرچەن ژنەگە قیڕانە رووی و وت: دەس وەقەییم نەیە من دووگیانی چوار مانگانم.
وەلێ پولیسەگە پاپەی قسەی ژنەگە نەوی و وەزوور کیشادەی و دادەی زەوی، ئیجا کەلبچە خستە دەسی.
ئەو رويداوە لە مانگ حوزەیران گوزەشتە شار بوکا راتون بوی، وەلێ لەی ساعەتەیل دویاییە ئاشکرا بویە.
دەسەڵاتەیل وتن؛ ئەو پولیسە ک ئەو کارە کردیە، دویای رویداوەگە خانەنشین خوەی کردیە، و ریخریاگ ماف مرۆڤ لە ویلایەتەگە وت: ئەو پولیسە وەرجە وەخت خوەی خانەنشین بویە.
پۆلیس ئەمریکا وت: لێکۆڵینەوە لە رەفتار ئەو ئەندام پولیسە کردیە، و ژنەگەیش وت؛ وەو کاریە خوازیە نەیلێد هویچ پولیسیگ تویش شۆک دەروینی وە هەر مناڵیگتر بارێد.
وەگورەی قسەی پولیس؛ توومەتبار ژنەگە وە وەرخودان نوای پولیسیگ کریایە.
