توومارکردن ٢١٠٣ تویشهاتن وە ئاوڵەی مەیمون لە جەهان

شەفەق نیوز/ ریخریاگ تەندروسی جەهانی وت: شمارەی تۊشهاتنەیل وە بیماری ئاوڵەی مەیمون تا ناوڕاس مانگ حوزەیران رەسیە ٢١٠٣ بیمار لەناو ٤٢ دەوڵەت.  

تەندروسی جەهانی لە دویاترین راپۆرتی لەباوەت بڵاوبوین بیماری ئاوڵەی مەیمون وت: توومارکردن یەک تویشهاتن لەناو وڵاتیگ وە بڵاوبوین دریەێدە قەڵەم، ودیاری کرد ک دەرکەفتن ناکاوی ئاوڵەی مەیمون لە چەن ناوچەیگ لەسای نەوین پەیوەندی پەتایی لەو ناوچەیلە نشان ئەوە دەن ک شیوەیلیگ ئەرا بڵاوبین هەس، یا زانیاری لە پەیوەندیەیل نادیارە.  

تەندروسی جەهانی وتیش: یە یەکەم جارە ئاگاداری لە بڕیگ تویشهاتن وە ئاوڵەی مەیمون لە خود وەختەگە لە چەن وڵاتیگ لەناوچەیل جوگرافی جیاجیا وەشیوەی فراوانیگ بڕەسێدە ریخریاگ تەندروسی جەهانی، وەگەرد ئەوەیش ئاست مردەنی وەکەمی مەنیە.