٢٤ تووشهاتن نوو و یەک مردن وە کۆڕۆنا لە ناوچەیل ئیدارەی سەروەخوەیی
![٢٤ تووشهاتن نوو و یەک مردن وە کۆڕۆنا لە ناوچەیل ئیدارەی سەروەخوەیی](https://media.shafaq.com/media/arcella/1610185540449.jpg)
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو شەممە، ٢٤ تووشهاتن نوو وە ڤایڕۆس کۆڕۆنا و یەک مردن تۆمار کرد.
جوان موستەفا هاوسەرۆک دەزگای تەندروسی لە ئیدارەی سەروەخوەیی کوردی، لە بەیاننامەیگ رەسیە ئاژانس شەفەق نیوز وت: تووشهاتنەگان ١٣ پیاو و ١١ ژن بوین.
و دیاریکرد ک تووشهاتنە نووەگان وەیجوورە؛ ٨ لە دێریک، ٧ قامیشلۆ، ٤ حەسەکە، ٢ شەهبا، ١ کەرکی لەکی، ١ تربە سپێ، ١ ریقە، و ئاماژە کرد وە تۆمارکردن یەک مردن نوو.
موستەفا دیاریکرد ک ژمارەی تووشهاتنەگان وە ڤایڕۆس کۆڕۆنا لە ناوچەیل ئیدارەی سەروەخوەیی رەسیە ٨٢٢٧، لەلیان ٢٨٣ مرنە، و ١١٥٨ خاسەوبوینە.