تووشهاتن فرەتر و مردن کەمتر.. ڤایڕۆس کۆڕۆنا شیەوەگە ئاڵشت کەێد
2020-08-24T07:23:31+00:00
شەفەق نیوز/ هەرچەن شەپۆل تووشهاتنەگان وە ڤایرۆس کۆرۆنا لە ژمارەیگ لە دەوڵەتەگان بەرزەوبوی، بەڵکم وەهاووەختی وەگەرد ئەوە رێژەی مردنەگان کەمەوبوی، ک پرسیار و بۆچون فرەیگ خستە وەرچەو.
رۆژنامەی گاردینیان بریتانی راپۆرتیگ بڵاوکرد، لەناوی دووپاتکەێد لەی ئاڵشبویەیلە لە ری ژمارە تۆمارکریایەگان لە ئەمریکا و چەن دەوڵەتیگ ئۆڕوپا.
ئەرا نموونە، تووشهاتنە مەترسیدارەگان وەکۆرۆنا لە بریتانیا کەمەو بوین، هەرچەن بڵاەوبوین ڤایرۆسەگە فرەوەبوی، ک ژمارەی ئەوەانەگ هەناسەی ئامێری لە خەسەخانەگان وەکارتێرن کەمترەوبوی، لە سێ هەزار کەس ئەرا تەنیا هەفتا کەس.
پزشک و پسپۆرەگان لە شیکردنەوەی هووکار کەمەوبوین ژمارەی مردەنەگان کۆرۆنا هەرچەن تووشهاتنەگان فرەوە بویە، رایەیل جیوازیگ داشتن.
بڕیگیان وت لەوەر کاریگەری دەرمانەگان ئیجوورە بوی، و بڕیگ تر ئووشن ئی ڤایڕۆسە ئیسە تووش گەنجەگان لە پیرەگان فرەتر تێرێد، زانایلیگ تر، ئووشن هەرچن شیوەیل بڵاو بوین ڤایڕۆسەگە جوورا جوورە، ک فرەیان وەگەرد روزگارەو هێز و توانای لەناوبردن هەڵگرەگەی لەدەس دەێد.
هەمیش هەس ئووشن لەوەر دویرەکەفتن کۆمەڵایەتی تووشهاتنە سەختەگان کەمەوبوین.
وەکوڵی باسەگە، وەردەوامبوین لە هووشیاری و رێزگردن ریکارەگان تا ئیسە خوەی شای چارەسەریەگانە، و لە چەوەڕی واکسینەگە ک فرە چەوەڕی کریا.
رۆژنامەی گاردینیان بریتانی راپۆرتیگ بڵاوکرد، لەناوی دووپاتکەێد لەی ئاڵشبویەیلە لە ری ژمارە تۆمارکریایەگان لە ئەمریکا و چەن دەوڵەتیگ ئۆڕوپا.
ئەرا نموونە، تووشهاتنە مەترسیدارەگان وەکۆرۆنا لە بریتانیا کەمەو بوین، هەرچەن بڵاەوبوین ڤایرۆسەگە فرەوەبوی، ک ژمارەی ئەوەانەگ هەناسەی ئامێری لە خەسەخانەگان وەکارتێرن کەمترەوبوی، لە سێ هەزار کەس ئەرا تەنیا هەفتا کەس.
پزشک و پسپۆرەگان لە شیکردنەوەی هووکار کەمەوبوین ژمارەی مردەنەگان کۆرۆنا هەرچەن تووشهاتنەگان فرەوە بویە، رایەیل جیوازیگ داشتن.
بڕیگیان وت لەوەر کاریگەری دەرمانەگان ئیجوورە بوی، و بڕیگ تر ئووشن ئی ڤایڕۆسە ئیسە تووش گەنجەگان لە پیرەگان فرەتر تێرێد، زانایلیگ تر، ئووشن هەرچن شیوەیل بڵاو بوین ڤایڕۆسەگە جوورا جوورە، ک فرەیان وەگەرد روزگارەو هێز و توانای لەناوبردن هەڵگرەگەی لەدەس دەێد.
هەمیش هەس ئووشن لەوەر دویرەکەفتن کۆمەڵایەتی تووشهاتنە سەختەگان کەمەوبوین.
وەکوڵی باسەگە، وەردەوامبوین لە هووشیاری و رێزگردن ریکارەگان تا ئیسە خوەی شای چارەسەریەگانە، و لە چەوەڕی واکسینەگە ک فرە چەوەڕی کریا.
