تونترین زریان وەماوەی زیاتر لە ٧٠ ساڵ رەسێدە شینگهای
شەفەق نیوز/ میدیایل چینی، ئمڕوو دووشەممە، خەوەردان کە زریان بیبینکا رەسیە شینگهای و وای تون و واران رفتیگ وەرد خوەی هاوردیە، کە قایمترین زریانە وەماوەی زیاتر لە ٧٠ ساڵ.
دەسەڵاتەیل شارەگە ئاگاداری سوور بڵاو کردن، واتە بوودە بەرزترین ئاست ئامادەباشی، کە هیشت ناوچەیل کەناراوی لە مەردم چووڵەو بکەن.
دەسەڵاتەیل تەمەی خەڵک شارەگە کردن کە شمارەیان رەسێدە ٢٥ مەلیۆن کەس کە بایەسە لەماڵ بمینن، و گشت کاروانەیل ئاسمانی لە دوو فڕۆکەخانەی سەرەکی شینگهای وسیان.
شەوەکی زوی ئمڕوو دووشەممە، ئەو زریانە،داد لە ناوچەی لینگانگ نیو سیتی کەناراوی خوەرهەڵات شارەگە، وەگورەی بڵاوکردن کەشناسی وڵات چین.
تووڕ سی سی تی ڤی چینی فەرمی دویای وەخت کوڵیگ لە رەسین زریان بیبینکا ئەرا بان هشکایی، وت: ئی زریانە کە دەێد لە شینگهای لە زریان گلۆریای ساڵ ١٩٤٩ تونترە.
باس دەرکردن نۆ هەزار کەس لە دوورگەی چۆنگمینگ کریا کە کەفێدە پای چەن یانگتزی.
گشت ریەیل سەرەکی لە ساعەت یەک دویای نیمەی شەو بەسیان، و بایەسە ماشینەیل زیاتر لە ٤٠ کیلۆمەتر لە ساعەتیگ لەبان ریەیل ناو شارەگە نەڕانن.
بنکەیل نواگیریکردن لافاوەیل لە شینگهای ئەرا تووڕ سی سی تی ڤی وتن: دەیان راپۆرت لە رویداوەیلیگ لە ئەنجام زریانەگە وەپییان رەسیە، فرەیان کەفتن دار و تابلۆی پرۆپاگەندەس.
هەرلیوا، تووڕەگە پارچە ڤیدیۆیلیگ پەخش کرد لە کەرت چیانگ مە شەپوولە بەرزەیل دەن لە سان کەناراوەیل لەژیر ئاسمان بووریگ، کە پەیامنێر تووڕەگە وت: ئەگەر بچمە ژیر زریانەگە ئنجاخ قسە بتوانم بکەم.
وتیش؛ توەنست بتووڕینە روی دەریا، بویەسە شەپوول لەشوین شەپوول یەکە لەوەکە بەرزترە.
