تورکیا.. گیانلەدەسدان و زەخمداربوین 38 کەس لە رویداو رخدار پاسیگ
2026-10-11T15:34:18+00:00
شەفەق نیوز - ئەنقەرە
ئمڕوو یەکشەممە، 11 کەس گیانیان لەدەس دان و 27 کەس تریش زەخمدار بوین وە مدوو لەیەکەوداین پاس گواستنەوەی سەرنشین وەگەرد بارهەڵگریگ لە شار مانیسا لە خوەرئاوای تورکیا.
وەپای ئەوەگ ئاژانس "ئەنادۆڵ" باسی کرد، پاسەگە لە ری بوی لە شار بورسە ئەرا شار ئێزمیر.
ئیدارەی هەرێمی مانیسا وت: خەوەر رەسیە لە رویداویگ دویای وەخت کەمیگ لە ساعەت 11 شەوەکی (کە هەمان وەخت بەغدادە)، لە نزیک چوارڕیان ری خێرا ئاخیسار.
هێزەیل فریاگوزاری و رزگارکردن ئەرا شوین رویداوەگە کلکریان و زەخمدارەیل ئەرا خەستەخانە بریان.
وەزیر ناوخوەی تورکیا، موستەفا تشيفتشي، قوربانییەیل وە ناو "هاووڵاتییەیلمان" وەسفکرد و لە ئیرنگە نەناسریانە هەرچەنە گشتیان هاوڵاتی تورکن یا بیانییش لەناو سەرنشینەیل هەس.
