توركيا 97 حاڵه‌ت مردن تازه وه ڤايرۆس كۆرۆنا و 4789 تويشهاتن تۆمار كرد
2020-04-12T20:56:57+00:00
شه‌فه‌ق نيوز/ وه‌زاره‌ت ته‌ندروستى توركى، ئاشكراى به‌رزه‌وبوين حاڵه‌ته‌يل مردن كرد وه ڤايرۆس كۆرۆناى تازه ئه‌را 1198 كه‌س، ئه‌يويش له‌ئه‌نجام تۆماركردن 97 حاڵه‌ت تر تازه له ماوه‌ى 24 سه‌عات گوزه‌يشت.
وه‌زاره‌ته‌گه يه‌يش ده‌رخست ك 4789 حاڵه‌ت تويشهاتنيش وه ڤايرۆس كۆرۆنا تۆمار كرياگه، وه‌يه‌يش شماره‌ى تويشبويه‌يل له وڵاته‌گه ره‌سيه‌سه 56 هه‌زار و 956 حاڵه‌ت.
جى باسه، وه‌زاره‌ته‌گه ئاماژه وه‌يه‌يش كرد ك 481 حاڵه‌ت خاسه‌وبوينيش تۆمار كرياگه، وه‌يه‌يش جه‌م گشتى ره‌سيه‌سه 3 هه‌زار و 446 حاڵه‌ت.
