توركيا گه‌ردێده شوون سه‌ياره‌يگ سيه له باليۆزخانه‌ێ سعوديه‌وه ده‌رچيه
شه‌فه‌ق نيوز/ رووژنامه‌ى "غارديان" بريتانى وت: ده‌سڵاته‌يل توركى تۆمار كاميراى جاده‌يل وشكنن ئه‌را گه‌ردين له‌شوون سه‌ياره‌يگ گه‌وراى سيه ك هه‌فته‌ى گوزه‌يشت له باليۆزخانه‌ى سعوديه‌وه ده‌رچيه.
مارتن شولوف و باتريك وينتۆر راپۆرتيگ له ئه‌سته‌مبوڵه‌و نويسانه‌و له‌تى وتنه: په‌يجوريكه‌ره‌يل تورك باوه‌ڕيان ئه‌وه‌سه ئه‌و سه‌ياره‌ێ گه‌ورا يه‌كيگه له‌و شه‌ش سه‌ياره‌يله ك تيم سعودى جيواز كردنه‌و په‌يوه‌ندى ديرێد وه مه‌سه‌له‌ى شاردنه‌وه‌ى جه‌مال خاشقچى رووژنامه‌نويس سعودى.
رووژنامه‌گه يه‌يش ده‌رخست ك په‌يجوريكه‌ره‌يل تورك ئاماژه وه‌يه‌يش كردنه ك زانيارى ديرن له‌بان بيسه‌روشوونكردن ئه‌و رووژنامه‌نويس سعوديه زياتر له‌و هه‌واڵه‌يله ك بڵاوه‌ه‌و كرياگه له‌باوه‌تيه‌و، وه‌رپرسه‌يل توركيش ئويشن: ئه‌و سه‌ياره له‌شوون دو سه‌عات له هاتن خاشقچى ئه‌را ناو باڵيۆزخانه‌گه هاتگه‌و كاميراى ئه‌منى ئه‌وه ده‌رخستگه ك سه‌ندووقه‌يليگ له‌ناو سه‌ياره‌گه وجوود داشتگه‌و سه‌ياره‌گه‌يش شماره‌ى دبلۆماسى وه‌پيه‌و بويه.
