ته‌ياره‌يگ هێليكۆپته‌ر ئيرانى كه‌فته ده‌رياى قه‌زوين
2016-11-27T20:27:00+00:00
شه‌فه‌ق نيوز/ ئاژانس ئيرناى فه‌رمى ئيرانى ئاشكراى ئه‌وه كرد ك ته‌ياره‌يگ هێليكۆپته‌ر سه‌ر وه كومپانياى نه‌فت كه‌فته‌سه ناو ده‌رياى قه‌زوين.
ئاژانس ئيرنا له زووان سه‌يد خالق سه‌جادى قولهان قايمقام بوشه‌هر وت: ئه‌و ته‌ياره په‌نج كه‌س له‌تى بويه‌و هيمان چاره‌نويسيان نادياره.
جى باسه، ئاژانس ناوبرياگ يه‌يش ده‌رخست ك ئه‌و ته‌ياره له سه‌عات 3ى دوياى نيمه‌ى شه‌و وه وه‌خت ئيران باڵه‌و گرتگه ئه‌را جيوازكردن يه‌كيگ له زه‌خمداره‌يل له بنگه‌ى "ئه‌مير كبير" نه‌فتى، وه‌لێ له‌وه‌ر كيشه‌يگ ته‌كنيكى كه‌فته‌سه خواره‌و.
