ته‌ياره‌يگ له فه‌نزه‌ويلا په‌لامار دادگاێ باڵا دا
2017-06-28T10:31:00+00:00
شه‌فه‌ق نيوز/ نيكولاس مادورو سه‌رۆك فه‌نزه‌ويلى ئاشكراى ئه‌وه كرد ك ته‌ياره‌يگ مه‌روه‌حى سه‌ر وه پۆليس په‌لامار دادگاێ باڵا داگه له كراكاس پايته‌خت و ئه‌و په‌لاماريشه وه په‌لاماريگ ترۆريستى تاريف كرد.
مادورو له وته‌يگ له ماڵ سه‌رۆكايه‌تى له ميرافلوريس ئاماژه وه ئه‌وه كرد ك له‌و په‌لاماره قومبه‌ڵه‌ێ ده‌سى وه‌كار هاورياگه‌و باس له‌وه‌يش كرد ك هيزه‌يل ئاسايشى بايه‌سه ده‌سگير وه‌رپرسه‌يليگ له ئاكام ئه‌و په‌لاماره بكا.
جى باسه، سه‌رۆك فه‌نزه‌ويلى هه‌ميش وت: ئعلان حاڵه‌ت ئاماده‌گى كرياگه‌و هيزه‌يل چه‌كدار ئاماده‌ن وه ته‌مامى ئه‌را وه‌رگرى له ئاشتى و يه‌يش ده‌رخست و وت: ئيسه يا دوياخر هه‌ر بايه‌سه ئه‌و ته‌ياره‌يشه بگيريه‌ێد وه‌ل ئه‌و كه‌سه‌يليشه ئه‌و په‌لامار ترۆريستيه ئه‌نجام دانه.
