ته‌ياره‌يگ سوورى له نزيك مه‌رزه‌يل توركى كه‌فته خوار
2017-03-05T10:25:00+00:00
شه‌فه‌ق نيوز/ توركيا ئاشكراى كه‌فتنه خواره‌وه‌ى ته‌ياره‌يگ جه‌نگى مێج - 23 سه‌ر وه هيزه‌يل ئاسمانى سوورى كرد و باس له‌وه‌يش كرد ك گه‌ردين وه‌رده‌وامه له‌شوون ته‌ياره‌وانه‌گه ك پيشبينى يه‌يش ئه‌كريه‌ێد خوه‌ى فڕه داگه‌و شايه‌ت كه‌فتوێده ناو خاكه‌يل توركى.
له‌ى باوه‌ته‌و، بن عه‌لى يڵدريم سه‌رۆك وه‌زيره‌يل توركى وت: ته‌ياره‌يگ مێج - 23 له ديم سوورى له نزيك مه‌رزه‌يل توركى كه‌فته‌سه خوار و پيشبينى ئه‌وه ئه‌كريه‌ێد سه‌ر وه رژيم سوورى بدێ.
جى باسه، وه‌رپرسيگيش توركى ئه‌را ئاژانس ئه‌نادۆل توركى ئه‌وه ده‌رخست ك تيميگ وه‌هاناڕه‌سين ره‌سيه بان ته‌ياره‌گه‌و ئاماژه وه‌يه‌يش كرد ك شايه‌ت ته‌ياره‌وانه‌گه‌يش كه‌فتوێده ديم مه‌رزه‌يل توركى و هويچ ئه‌سه‌ريگى له‌ناو ته‌ياره‌گه نه‌ويه.
