ته‌ياره‌يگ دوياى باڵه‌وگرتنى له كه‌ندا كه‌فته خواره‌و
2017-12-14T09:13:00+00:00
شه‌فه‌ق نيوز/ پۆليس فيدراڵى كه‌نه‌دى ئاشكراى كه‌فتنه‌خواره‌وه‌ى ته‌ياره‌يگ ئاى تى ئار-42 كرد دوياى باڵه‌وگرتنى له ته‌ياره‌خانه‌ى فون-دو- لاك له ولايه‌ت ساسكاتشيوان له خوه‌رئاواى كه‌نه‌داو بڕيگ له نه‌فه‌ره‌يليشى زه‌خمدار بوينه وه‌بى ئه‌وه‌گ كوشياگ له‌ليان بكه‌فێده‌و.
له‌ى باوه‌ته‌و، درك پاشايه‌تى له كه‌نه‌دا وت: ئى ته‌ياره له دويرى كه‌متر له كيلۆمه‌تريگ له مه‌دره‌ج ته‌ياره‌خانه‌ى فون – دو – لاك كه‌فته‌سه خوار ك نزيكه‌ى 800 كم دويره له ريجيناى پايته‌خت مقاتعه‌ى كه‌نه‌دى.
جى باسه، پۆليس ناوه‌ندى له به‌ياننامه‌يگ وت: ئى ته‌ياره سه‌ر وه كومپانياى ته‌ياره‌وانى ناوچه‌يى "ويست ويند ئه‌فيشن" بويه‌و 45 نه‌فه‌ر ئه‌گرێد و تواسگه وه‌ره‌و ستونى رابيدس بچێد، وه‌لێ پۆليس باس له هووكار روێداگه‌گه نه‌كرد.
