ترەمپ گلەوخواردن گورزە سەربازییەیل دژ وە ئیران وە گونجیاگ دۊنێد

شەفەق نیوز- واشنتۆن

دۆناڵد ترەمپ، سەرۆک ئەمریکی، شەوەکی دۊشەممە، دووپات کرد کە گلەوخواردن گورزە سەربازییەیل وەبان ئیران "چشتیگ گونجیاگە"، وە دیاریکردن ئەوەگ راگەیانن سەرکەفتن لەی جەنگە نزیکە.

 ترەمپ، لە دیداریگ وەرد کەناڵ "فۆکس نیوز" ئەمریکی، وت کە گلەوخواردن ئەرا گورزە سەربازییەیل گونجیاگە وەلی "نیەخوازێد ئیسە ئەوە بۊشێد"، و دیاری کرد کە   ئەوەگ رۊ دەێد سەرکەفتنە لە جەنگەگە وە زۊی.

وتیش: "کلیلەگە ئەوەسە کە ئیران نیەوودە خاوەن هیچ چەکیگ ناوەکی، و سەرکەفتن وەدەس تیەریمن لەبان هەردگ بەرەی سەربازی و ئابووری لە نواگیریکردن ئیران".

ترەمپ مەزەنەی داوەزین نرخەیل نەفت کرد دەسوەجێ دۊای کووتاییهاتن جەنگەگە، و وت: "نرخ نەفت داوەزێد ئەرا ئاستەیل وەرجە جەنگەگە دۊای ئەوەگ وە زۊی وەبان ئیران سەرکەفیمن".