ترەمپ لە ئەمریکا دەرچوود و روی وەرەو خوەرهەڵات ناوڕاس کەێد
شەفەق نيوز/ دۆناڵد ترەمپ سەرۆک ئەمریکا، سەردانی ئەرا سعودیە و قەتەر و ئیمارات وە میژووی باس کرد، و ئەوەسا دەسمیەتی دەێد لە پاڵپشتیکردن پەیوەندییەیل و هاوکاری لە خوەرهەڵات ناوڕاس.
دویەکە دووشەممە، تڕەمپ لە ئەمریکا دەرچگ وەرەو سعودیە کە یەکەم گەردین دەرەکیی دویای گلەوخواردنی ئەرا دەسەڵات وەپیەو دەسوەپی کەێد، کە ئیجا وەرەو قەتەر و ئیمارات چوود.
فڕۆکەی سەرۆکایەتی لە سەربازگەی ئاسمانی ئەندڕۆز لە دەورگرد واشینتۆن هەڵسیا و روی وەرەو ریاز کرد، ئەوەیش وەگەرد راگەیانن حەماس کە دەسوەسەرکریای ئیسرائیلی ئەمریکی عیدان ئەلیکسەندەر کە لە کەرت غەززە زیندانی کریاوێد دادە دەس خاچ سوور ناودەوڵەتی.
10 باوەت هاتە ناو پرسەیل ترەمپ لەی ناوچەیلە، لەلییان ئاسایش هەرێمی، وزە، وەرگری، و هاوکاری ئابووری، یانە لە ئەژندای ترەکی وەرد سەرکردایەتی سعودیە و دەوڵەتەیل خەلیج، کە واشینتۆن خوازبد هاوبەشی ستراتیژیی وەرد خەلیجیەیل لە رووشنایی ئاڵشتبویەیل ناودەوڵەتی یەکلەشوینەک.
سعودیە وت: چەوەڕی کەێد ئەو سەردان فەرمیە لەلایەن ترەمپ ئەرا شانشین، کە لە ئمڕوو سێشەممەو دەسوەپی کەێد و تا چوارشەممە وەردەوامە، دەسمیەتی بەێد لە پاڵپشتیکردن هاوبەشی ستراتیژی دوو وڵات و بەرزکردنیان لە گشت چینەیل.
عیسام ین سەعد بن سەعید وەزیر دەوڵەت و ئەندام ئەنجومەن شورا و وەزیر راگەیانن سعودیە لە بەیاننامەیگ ئەرا ئاژانس (واس) سعودی وت: ئەنجومەن وەزیرەیل پیشوازی لە سەردان دۆناڵد ترەمپ سەرۆک ئەمریکا ئەرا شانشین کرد، و چەوەڕی کریەێد سەردانەگە دەسمیەتی بەێد لە پاڵپشتیکردن بنەمایەیل هاوکاری و هاوبەشی ستراتیژی دوو وڵات برادەر ە بەرزکردنیان لە گشت چینەیل، وەشیوەیگ بەرژەوەن و نووڕین هاوبەشیان وەجی بارێد.
