ترەمپ: یاداشتنامەی لەیەکفامستن وەگەرد ئیران لەدەسدان وەخت بوی و بویە مدوو دویاخسن کارەیل
شەفەق نیوز- واشنتۆن
سەرۆک ئەمریکا دۆناڵد ترەمپ، ئمڕوو پەنجشەممە، یاداشتنامەی لەیەکفامستن وەرین وەگەرد ئیران وە "لەدەسدان وەخت" وەسف کرد، و وە ئەوەگ دانارێ کە بویەسە مدوو دویاخسن کارەیل، و دووپات کرد واشنتۆن هەوەجە وە دەسمیەتی لە چین یا روسیا ئەرا مامەڵەکردن وەگەرد تەهران نەیرێد.
ترەمپ، لە لێدوانەیلیگ ئەرا تووڕ "فۆکس نیوز" وت، ویلایەتە یەکگرتگەیل "هەوەج وە هویچ هاوکارییگ لە چین و روسیا دەربارەی ئیران نییە، و داوای هویچ دەسمیەتیگ لەلیان نیەکەم".
لە قسەیلی دەربارەی یاداشتنامەی لەیەکفامستنەگە وتیش "کردن ئەو کارە وە دڵم نەوی. گووش لە بۆچوین کەسەیل تر گردم، و باوەتەگە بویە مدوو دویاخسن کارەیل"، لە هەمان وەخت دەسخوەشی رۆڵ جێگرەگەی جەی دی ڤانس لە دانوستانەیل کرد و وت "کاریگ ناوازە کرد".
رووژنامەی "نیویۆرک تایمز" باس لەوەگ کرد بوی کە گرژییەیل ناوەین ترەمپ و ڤانس بەرزەو بوینە، لەبان رەخنەیل ئەو دۊیاییە ئەرا جەنگ وەگەرد ئیران و خسن وەرپرسیارێتی ئەو زەرەدەیلە ئەرا بانی کە کۆمارییەیل لە هەڵوژاردنەیل ناوەڕاس خول کەفتەوەریان، لە وەختیگ نیگەرانی ترەمپ لە شیوەی باسکردن جێگرەگەی ئەرا هووکارەیل شکستەگە زیایەو بوی.