تره‌مپ: هه‌رلايگ مامڵه وه‌ل ئيران بكا نه‌بايه‌د مامڵه وه‌ل ئيمه بكا
2018-08-07T17:25:00+00:00
شه‌فه‌ق نيوز/ دوناڵد تره‌مپ سه‌رۆك ئه‌مريكا، ئه‌وه ده‌رخست ك وڵاته‌گه‌ى مامڵه‌ى بازرگانى وه‌ل هه‌ر لايه‌نيگ وسنێد ك مامڵه وه‌ل ئيران بكا له‌شوون سزاگه.
تره‌مپ له تويته‌ر باس سزايه‌يل وڵاته‌گه‌ى ئه‌را بان ئيران وه سه‌ختتر كرد وه‌ئه‌وه‌گ ئه‌ڕه‌سێده ئاستيگ به‌رزتر له ته‌شرين دويه‌م/ نۆڤه‌مبه‌ر.
جى باسه، دوياى چه‌سپانن سزايه‌يل ئه‌مريكى، وه‌رپرسه‌يل له وه‌زاره‌ت خارجيه‌ى ئه‌مريكى وتن: زياتر له 100 كومپانياى جه‌هانى رازى بوينه له‌بان وه‌جيهيشتن بازاڕ ئيرانى وه‌ل ده‌سوه‌پيكردن سزايه‌يل ئه‌مريكى، يه‌يش وه ئه‌وه‌گ ئه‌و سزايه‌يله فشاره‌يل تونيگ ئه‌خاده بان ئابوورى ئيران.
