تره‌مپ: له‌يه‌ولا گرنگى ئه‌يه‌يمنه پرۆگرام وه‌رگرى بۆشايى ئاسمان ئه‌مريكا
شه‌فه‌ق نيوز/ دۆناڵد ته‌رمپ سه‌رۆك وڵاته‌يل يه‌كگرتگ ئه‌مريكا، به‌شدارێ كرد له رێ وڕه‌سم كاراكردنه‌وه‌ى پرۆگرام وه‌رگرى بۆشايى ئاسمان ئه‌مريكا، ئه‌ويش دوياى 17 ساڵ له وسانن چالاكيه‌يل ئه‌و ناوه‌نده.
پرۆگرامه‌گه ك وه فه‌رمانده‌ى بۆشايى ئاسمانى ئه‌مريكا ناسرياگه، له دوياى 11ى سبته‌مبه‌ر 2002 ه‌و كاره‌يل گيردرياوێد، ئه‌ويش به‌شيگ له ئه‌ركه‌يل روێ وه‌ڕوێ بوينه‌وه‌ى تيرۆريزم له ئه‌مريكا په‌ك خستوێد.
تره‌مپ له وته‌يگى له‌و رێ وڕه‌سمه وت: جوور ئه‌وه‌گ ك چوين وه‌رگرى خاكى و هه‌وايى و ده‌ريايى و ئه‌لكترۆنى وه گرنگييه‌و وه‌رئه‌گريم، له‌يه‌ولا بۆشايى ئاسمانيش جوور به‌شيگ سه‌روه‌خوه‌ى و گرنگ وه‌رگرى ته‌ماشا ئه‌كه‌يم و جه‌ختيش له‌وه كرده‌وه ك كاراكردنه‌وه‌ى فه‌رمانده‌يى بۆشايى ئاسمان گاميگه بنه‌ڕه‌تى ئه‌را دامه‌زرانن هيز بۆشايى ئاسمان ك زويتر وه برووژه يڕياريگ ئاراسته‌ى كۆنگرس كرياگه‌و چه‌وه‌ڕێ په‌سه‌ن كردنيه.
