تره‌مپ له‌باره‌ى گرژى وه‌ل ئيران: هه‌وه‌جه وه هه‌ڵه‌په‌ڵه ناكا
2019-06-28T11:12:59+00:00
شه‌فه‌ق نيوز/ دۆناڵد تره‌مپ سه‌رۆك ئه‌مريكا وت: "هه‌وه‌جه وه هه‌ڵه‌په‌ڵه ناكا" له‌باره‌ى مه‌سه‌له‌ى چاره‌سه‌ر گرژيه‌يل ناونى وڵاته‌يل يه‌كگرتگ و ئيران ك مه‌ترسى ئه‌وه له‌لى ئه‌كريه‌ێد جه‌نگ سه‌ربازى له‌لى بكه‌فێده‌و.
تره‌مپ له شار ئۆسكاى يابانه‌وه له ئاماده‌بوينى وه‌ل سه‌ركرده‌يل به‌شدار له لوتكه‌ى 20 وت: وه‌خت فريه‌يگ ها ده‌سمانه‌و، هه‌وه‌جه وه هه‌ڵه‌په‌ڵه ناكا، ئه‌تويه‌نن قانجاز له وه‌خته‌گه بكه‌ن و هويچ فشاريگيش نيه.
يه‌يش له‌وه‌ختيگ ك زويتر مارك ئسبر ريكخه‌ر كاره‌يل وه‌زير وه‌رگرى ئه‌مريكا، وت: وڵاته‌يل يه‌كگرتگ رێ وشوون گونجياگ له‌وه‌ر ئه‌گرێد ئه‌را مقه‌يه‌تيكردن كه‌شتيه‌يل له ته‌نگ هورمز.
