تره‌مپ ريككه‌فتنه‌يليگ مێژوويى وه 2،2 تريليۆن دۆلار ئمزا ئه‌كا
شه‌فه‌ق نيوز/ ئه‌نجومه‌ن نوێنه‌ره‌يل ئه‌مريكا، رازى بوێ له‌بان زنجيره ريككه‌فتنه‌يليگ وه بڕ 2،2 تريليۆن دۆلار، ك يه‌يش گه‌وراترينه له مێژوو وڵاته‌يل يه‌كگرتگ، ئه‌ويش له‌وه‌ر دسميه‌ت تاك و كۆمپانياه‌يل له روێ وه‌ڕوێ بوينه‌وه‌ى سسى ئابوورى له‌ئه‌نجام بڵاوبوينه‌وه‌ى ڤايرۆس كۆرۆنا، ك دۆناڵد تره‌مپ هه‌ڵه‌په‌ڵه كرد له ئمزاكردنى تا بدێده ياسايگ كار وه‌پيكرياێ.
ئه‌و ريككه‌فتنه ره‌زامه‌ندى ئه‌نجومه‌ن پيره‌يل ئه‌مريكييش وه‌رگرت و له‌تى نانسى پيلۆسى سه‌رۆك ئه‌نجومه‌ن نوێنه‌ره‌يل وت: وڵاته‌گه‌مان روێ وه‌ڕوێ حاڵه‌تيگ له‌ناكاو ئابوورى بويه‌سه‌و وه‌بوونه‌ى بڵاوبوينه‌وه‌ى ڤايرۆس كۆرۆنا ك تائيسه ئه‌را ماوه‌ى 100 ساڵه ئيچنه حاڵه‌تيگ سه‌خت و قورس نه‌ويه.
جى باسه، ئى بڕه پويليشه ئه‌خريه‌ێده خزمه‌ت حاڵه‌ته‌يل ته‌ندروستى له وڵاته‌گه ئه‌را روێ وه‌ڕوێ بوينه‌وه‌ى ڤايرۆس كۆرۆناى تازه ك وه ته‌واوى روێ له وڵاته‌گه كردگه.
