ترامپ: ئەمریکا ئیسرائیل قورتارکرد و ناتانیاهۆیش لە دادگایی قورتارکەێد

شەفەق نیوز ـ واشنتۆن

سەرۆک ئەمریکا دۆناڵد ترامپ، ئمڕوو پەنجشەممە، داوای هەڵوشانن دادگایکردن سەرۆک وەزیرەیل ئیسرائیل بنیامین ناتانیاهۆ یا وەخشین دەسوەجی کرد، دادگایکردنەگەی وە "بی پیشینە" و " بی مانا"  ناوبردوە تایبەت وە وەرچەوگردن ئەو بارودۆخە ئیسرائیل وەپی رەدبوی.

ترامپ لەری پێگەی سۆشیال میدیای تروس راگەیان، خەوەردارە کە ناتانیاهۆ رووژ  دووشەممەی ئایندە ئەرا دادگا بانگکرێد ئەرا درویژەدان وە  "دۆسیەیگ درویژخایەن" و بە بی وێنە وەسفی کرد.

وتیش ناتانیاهۆ کارەیل فرەیگ لە پێناو ئیسرائیل ئەنجامداس" دووپاتکرد "هویچ کەسیگ نییە کە من بناسم بتوەنێد لە ئەو وە هاوئاهەنگتر وەرد سەرۆکیگ ئەمریکی کار بکەێد".

ترامپ دیاریکرد "وڵاتە یەکگرتگەیل ئیسرائیل قورتارکرد و ئیرنگە ناتانیاهۆش قورتارکەێد" راگەیان کە تویش ئەڵاجەوی هاتیە هەنای "ئیسرائیل وە یەکیگ لە گەورەترین چرکەیلی رەدبویە، لە هەڵمەتەیل بیمانایەیلی دژ وە سەرۆک وەزیرەیلی لە وەخت جەنگ وەردەوام بوی".

لە کۆتایی وتیش:" لە مێژوو ئیسرائیل هویچ کەسیگ نەویە جویر ناتانیاهۆ وە ئازایی و وە توانایی جەنگ بکەێد".