ترامپ: چين سزايه‌يل دژ كۆرياى باكوور زياتر ئه‌كا
2017-11-12T08:01:00+00:00
شه‌فه‌ق نيوز/ دۆناڵد ترامپ سه‌رۆك ئه‌مريكى، ئاشكراى ئه‌وه كرد ك شى جينبينغ سه‌رۆك چينى خوازياره سزايه‌يل ئمزاكرياێ دژ كۆرياى باكوور زياتره‌و بكا.
ترامپ جه‌خت له‌وه كرد ك ديداريشى وه‌ل فلاديمير بۆتين سه‌رۆك رووسى فريه خاس بويه‌و له‌تى باس له مه‌سه‌له‌ێ سورى كرياو ئاماژه وه‌يه‌يش كرد ك روسيا ئه‌تويه‌نيد به‌شه‌يل گه‌ورايگيش پيشكه‌ش بكا له چاره‌سه‌ر قه‌يران له‌ى ده‌وڵه‌ته‌يله‌و له شوونه‌يل تر.
جى باسه، ترامپ له ماڵپه‌ڕ توێته‌ر نويساگه: چه‌وم كه‌فته بۆتين سه‌رۆك روسى ك ئاماده‌ى دانيشتن سه‌ران ئايبيك بوى و باسه‌يل خاسيگ له‌باره‌ى سوريا كرديم وه‌و ئوميده ده‌وڵه‌ت چينيش ده‌سميه‌تكار بدێ له چاره‌سه‌ر قه‌يران خه‌ته‌رناك له‌باره‌ى كۆرياى باكوور.
